ياللي تقول اشلون حالك ؟؟ بعد فات
وقت ٍ مع الاحباب فالدار قضَيت !!
تسئل .. تبا تعرف وش الانطباعات
وتقول : كيف الوضع يامن تهنيت ؟!!
ماتدري اني بين خذ هاذي وهات
ياكنَ جوف القلب يرجف دناميت
اوجع عروقه بعد ماهن سليمات
واحيالي التفكير في من تناسيت
لو البكا له طب في داخل الذات
بكيت واعتقت الدموع وتعافيت
مير البلا لا زوَد الدمع الآهات
وقزَرت ليلي بين : ( ون وتناهيت )
بين الجروح الماضية والجديدات
حيران .. والحيره لها داخلي بيت
بابه مشرَع داخله في متاهات
يمسي على كيتٍ // ويصبح على كيت
وشلون ابدله والفرح داخلي مات !!
لو الله الا في زماني تعنَيت
لا قلت ابلقى للسعادة اضاءات
اظلم سمايه .. وابتدا للعنا ليت
ولا قلت ابلقى للصعيبة سهالات
تعقَدت واتعبني الحل .. وازريت
لكن ابصبر دام للقب دقَات
صبر ٍ يخلد للفتى فالدهر صيت
ما فالسخط فودٍ ولا به مسرَات
يرديك : لامن للوساوس توَحيت
وكثر التمنَي فيه بعض الخسارات !!
لانَ الكثير ايضيع مما تمنيت
ومهما غدالك عايشٍ في سلامات
مادام للرحمن يا خوك صلَيت
واتعبت نفسك في سبيل العبادات
واخلصت له لا اقبلت// واخلصت لاقفيت
قلته وانا ما حب ازيد العبارات
انته سئلت ودوك ردي تنقيَت
لو كان ماتعجبك بعض القناعات
مافرض عليك العلم .. لو صبت واخطيت !!
موضوع: بين جروح المضيات والجديدات!!! 
الخميس يناير 07, 2010 5:59 am
